跑步界盛事——第25屆渣打香港馬拉松將於2月12日（星期日）舉行，37,000個參賽名額已滿額，各跑手亦已完成報名程序。除了本地跑手，大會亦邀請了海外精英跑手出戰今屆賽事。各位已參加了渣打馬拉松的你，到底預備好未？無論你的身形是否已經達到理想？你的體格是否已在最好？抑或只是純粹想把經驗跟大家分享！疫情後再次舉行的馬拉松，也是在提醒大家要好好享受眼前所擁有的！以下請來三位在今屆打香港馬拉松當中擔任全馬、半馬及10K賽事的Nike 配速員兼參加賽事的素人，分享她們對於跑步、訓練、如何努力地為自己及幫助大家目標進發的故事，讓你對跑步有另一番體會！
10K賽配速員 Nike Pacer -Tiffany
「 Tiffany是一個十分熱愛把歡樂帶給別人的女孩子，除了會在Social Media上分享她的日常生活，更會和大家分享她跑步的大少事，當中包括在跑步中得到的喜悅和成就感 （Tiffgorun instagram），有時候會在Instagram玩QA，通過自己的跑步經驗，解答跑友的問題，身邊人都會被她這種正能量影響。她也會很主動的邀請身邊的同事及朋友一起跑步，帶著朋友一起比賽，非常享受鼓勵別人，與跑友共同成長的感覺。」
Q：為何你會愛上跑步 ？
Tiffany：「跑步令我在繁忙生活中可以靜下來，關心自己，一個長跑的時間，就好似將自己心靈好好治癒，完成一段路後，返回生活，又重生一樣。一開始係以為左跑完一條未跑過的路而自豪，之後就係開始以追成績為目標，每次能夠突破自己的最佳個人時間都會好滿足。跑步係一種付出幾多就得到幾多的運動，佢令我付出的努力被看見，然後就愛上咗跑步。偏偏好景不常，因為傷患累積，我曾經跑得很差，然後自己坐在場邊大哭。現在的我反而學懂享受跑步過程，學會同跟自己溝通，跟身體溝通。」
Q：為Pacer ，如何去鼓勵其他跑手 ?
Tiffany：「除左擔任Pacer Duty去幫助runner ，我也經常透過IG/ FB（Tiffgorun instagram）跟鍾意跑步的朋友分享自己跑步的故事，或者是一些由跑步啟發到我的想法，跟跑手們手建立左感情。在過程入面發現，其實正所有人都也可以鼓勵及給予能量予他人，尤其是當你自己有負面情緒時，鬼鼓勵人，反而更能夠讓你自己都從中受到鼓勵或得到正能量。初時開IG都係純粹用作紀錄有關自己跑步的心情、經歷，留下回憶，給未來的自己回味。但係來便發現原來經過用心創造出黎的文字分享，有好大影響力，也令我更加有動力在不同平台分享。我有時會講下趣事、運動員分享內容，有時我都會談及自己跑步當中的領誤，其實不一定要成為一很勁的人才可以inspire 到其他人、或者鼓勵其他人，反而係有負面情緒的時候繼續做，自己都會受到鼓勵。」
Q給將參加的跑手一些賽前預備Tips？
Tiffany：「前一星期就多休息，訓返多啲，練習早起，因為比賽當日係東廊起步，真係會好早，要俾自己慢慢習慣同適應。前一晚我會執好晒選手包，將跑步要用的、跑完步要用的放好，買定當日早餐，讓自己比賽當日可以輕鬆起身出發，令自己專注於比賽中。最重要係心態上的調整，可以係比賽之前睇睇當日會跑的路段，係腦海自己演練一次成條路段會經過的地方，然後同自己講「你可以跑得完全程，無傷達標返到終點!」至於當日會發生咩事，無人預料到，只要你準備好去享受呢段旅程，無論你今次係PB(個人最佳時間)定達唔到標都好，你都係獲得一個難忘的渣馬之旅!! 」
Q：完成馬拉松當日，有何Cool Down運動需要做？
Tiffany：「跑完10k的你，可以搵一個地方慢跑多1k左右鬆一鬆腳，然後就不停拉筋!拉筋!同拉筋!!!! 放鬆返陪你走過10k路途的肌肉，俾佢休息一下。我會推薦做多啲大腿後肌同臀部的伸展，當然你都要好好聆聽一下自己身體的聲音，邊到有痠痛就針對地做放鬆! 大忌跑完拍拍屁股就走，唔拉筋，如果肌肉太緊，絕對會為日後跑步帶來傷患。」
Q：可否分享一下 #忽然覺得又有動力跑落去 既來源？
Tiffany：「以前的自己以完成時間而獲得滿足感，經歷咗傷患同自我療癒之後，我開始懂得覺察自己身邊事物。原來跑步不單只望住個目標去完成，除左追求速度以外，仲可以感受同享受跑道上風景、事物的美好。有一次當我自己跑到頹的時候，我想搵到一個令自己可以跑落去的理由，然後就發現，原來今日我黎M!! 突然之間，我覺得自己好叻好利害，生理期間都堅持跑到落去，縱使係攰，係頹，但係我都堅持到依家，突然我又有一個動力令自己繼續努力落去。自此之後，我發現自我欣賞同埋身邊事物帶俾自己的幸福感，原來都可以轉化成為自己的能量，好似話因為跑步見返一個好耐無見的朋友、因為努力地跑完一個訓練、因為一堆人一齊跑的樂趣，因為今日見到一個Runners滿足的眼神等等，都可以轉化成我繼續跑的動力。所以就出現左 #忽然覺得又有動力跑落去 的hashtag，記錄低我每個撐住自己的時刻，希望令runners們都搵到自己繼續跑落去的動力。」
Q：今次 10K，你自己在何時開始準備？可否具體分享有何準備Tips？
Tiffany：「今次10k我地NRC Pacer team由上年渣馬開始，已經不停裝備自己，去迎接今年的渣馬賽事。今年係疫情以來，第一個咁多人一齊參加的賽事，同上年有人數限制的時候，係配速方面控制上會有唔同，好容易會發生「塞車」同好多人穿插切線的情況。跑10k組的朋友，可以去青山公路段跟我哋NRC訓練，青公的路窄，能夠預演到當日「塞車」的實況，練習下個反應方式。有些跑手會選擇係「塞車」時左穿右插，其實要留意身邊的跑手安全，建議在比較闊的位置才加速追時間，窄位就留力，因為最緊要係長跑長有，安全無傷完成比一切都重要。而我哋NRC的訓練都有設水站服務，更加可以模仿到當日賽事補水的時間預算。揀跑道方面，如果係一直都未試過跑10k的朋友，可以揀一啲真係有10k長的路段做長課訓練，令自己係路途中段無放棄的理由，沙田城門河跑去科學園，或者青山公路段由荃灣西跑去深井尾段都係好好的選擇。」
